【過來人】坐骨神經痛患者分享減痛七招 游泳瑜珈不可少

posted in: 過來人 | 0

我幾年前有呢個病,真係好痛苦在復康院訓左半年一直都醫唔好。有做慈力共振咩話L5 椎間盤突出令我右邊pat pat 痛到落腳,但當時我係左腳痛。醫生提意我做手術切左突出來既椎間盤。我梗係唔做..同埋當時復康院裡有病人做左手術係同我講會好‘梗’ 好硬條腰。始終都去唔番以前咁柔軟。咁我選擇左做物理治療。 當時真係好痛…痛到有日上左復康院天台。其實係想吹下風。但連坐都痛到想喊…真係有種衝動爬出去就跳落去。可想而知真係幾痛…因為我行、坐、訓都痛。


我就日復日做物理治療,止痛藥,同院友交流心得。有時可以請假出去同家人食飯。我都拿著柺杖曲埋個身慢慢行。不過我戴著口罩。真係好怕識既人撞到我…(下刪百字)總之最後出院係仍然痛。政府既醫生話:你唯有將痛楚變成你生活既一部份…(真係痴線)出到院有去睇骨醫有游水有在家做物理治療,最後我減重接近30磅個人又輕鬆左就好好多。不過而家間中仍然會少少痛。如果好勞動時 有時會大痛…

【延伸閱讀】電魚減痛-坐骨神經痛患者終極希望?

但我有一套方法令佢減輕痛楚直至唔痛。所以想分享比受緊折磨既人

1.首先我會睇下自己係咪重了。磅數好緊要,當我重了我腰負荷過重旁邊既肌肉好硬。就會由pat pat 痛到落腳。我就會開始清淡飲食

2.食止痛藥。唔好覺得食藥有害。就硬住頭皮去做運動或拉筋。我係食止痛藥後減輕痛楚才做拉筋和運動。你愈痛就愈係做得就住就住。

3.熱水袋。好有用,先膚15-20分鐘再進行物理治療/運動

4. 平躺yoga 席上。曲起雙腳同時慢慢左右邊擺。盡量貼落席。太痛就輕輕擺。(專業物理治療師教我回家做)

5.平躺 一隻腳伸直 一隻腳用雙手抱著。盡量向上抱。有拉緊既感覺。左右邊輪流做。(治療師教)

6.訓響一個淘寶上買既牽引器。我幾年前買$1x 蚊 ,每日訓15分鐘。呢個牽引器真係又平又好用。佢會令你 腰既弧度變番正常咁。

7. 游水和拉筋係我必定做。但我會好慢咁做。太痛就停。

以上分享我都係按照自己程度。未必適合所有人,但我都希望幫到一些受折磨既人 減低痛楚。因為我知真係好痛好痛。
真係痛到要坐輪椅 就盡快睇醫生最好。

資料來源:凌太(親子王國)

myHealthtag Editor
Follow myHealthtag Editor:

每日為你提供最貼身的健康資訊。

你的意見?